Rreth nesh

Miq, për mua është një kënaqësi t’ju prezantoj historinë e një kompanie që është rritur me aq mund, pa mbështetje por vetëm me punën e një stafi fantastik përmës vitesh. Edhe pse sot është kompania më e madhe e shitjeve të kancelarisë në Shqipëri, disa vite më parë ishte vetëm një ide.

Në 2003- Historia e kancelarive Infiniti filloi në një dyqan të vogël në periferi të Tiranës në Selitë në muajin Dhjetor. Që në momentet e para, pavarësisht se me një buxhet vetëm 3000 Euro, u konceptua krijimi i një rrjeti dyqanesh që ofronin të njëjtat standarte shërbimi dhe produktesh në gjithë Shqiperinë. Ndaj dhe u vendos edhe emri INFINITI pra nje rrjet dyqanesh që do hapeshin në mënyrë të vazhdueshme.

2004- Hapet filiali i dytë pranë Sheshit “Willson”, Tiranë aty ku konkurenca ishte më e madhe duke e shëndrruar që në këtë moment në një lojtar kryesor të furnizimit të zyrave dhe kompanive kryesore me kancelari. Vitet e para ishin mjaft të vështira dhe iu deshën 5 vite të konsolidohej në një rekord shitjesh.

2009- Hapet fabrika e prodhimit të produkteve të kancelarisë. Fillon prodhimi i dy modeleve të stilolapsave, USB, byzylykë silikoni.

2010- Infiniti Office shtrihet edhe tek Komuna e Parisit.

2012- Krijohen dyqane të reja në Xhamllik dhe Ali Dem.

2013 – Hapet filiali i Laprakës si dhe franchaiset e para në Koplik, Durrës, Fier, Gjirokastër dhe Pogradec.

2014 – Hapet filiali i Kombinatit dhe Kristal Center.

2016 – E gjithë kompania kalon në drejtimin dhe pronësinë e njërit prej themeluesve dhe merr një zhvillim të madh me standarte të reja. Kompania fillon misionin që 10% të fitimeve ti kalojnë fëmijëve në nevojë duke e bërë këtë traditë të përvitshme.

2017- Dyqanet ndryshojnë imazh dhe shtohet edhe një pikë e dytë në Laprakë, një tjetër në Komunë, një tek Vasil Shanto, një në Selite dhe një tek Myslym Shyri.

2018 – Kompania kryen rekodin historik të shitjeve dhe të zhvillimit ku dhe krjon SHOWROOMIN më të madh në Shqipëri të kancelarisë me mbi 1300 m2 në Tiranë dhe 3000 m2 në Bushat.

Shitjet me shumicë dhe ato të zyrave 6 – fishohen.

2018 – Kompania lidh marrëveshje bashkëpunimi me distributorët e KEYROAD.DE, ANYCOLOR Toners, STABILO, CITIZEN.

Dhjetor 2018 – Hapet Franchaise në Shkodër me standarte të larta shërbimi dhe menaxhimi në një ambjent me mbi 100 m2 dhe veç magazinës me 6 makina për shpërndarje të kancelarisë në zonën e veriut.

Shkurt 2019 – Hapet Franchaise në Korçë.

Mars 2019 – Hapet Franchaise në Berat dhe Tropojë.

Prill 2019 – Hapet Franchaise në Elbasan.

Hapet faqja më e madhe për produktet e kancelarisë dhe sipas GOOGLE faqja më e klikuar në të gjitha trojet shqiptare në sektorin e kancelarisë. INFINITIOFFICE.AL bëhet faqja e parë kur klientët kanë mijëra produkte me foto – çmime pakice – zyrat përmes kodit marrin çmimin e zyrës dhe rishitësit dhe franchaiset marrin çmimin e shumicës.

INFINITI OFFICE krijon partneritetin me të gjithë kompanitë më të mëdha televizive dhe është prezente në TOP ALBANIA RADIO, TV KLAN, ABC NEWS, Top Media, VIZION PLUS, NEWS 24, REPORT TV, Fax News, Shijak Tv etj.

2019 – Rihapet gara për sistemin franchaise në të gjithë Shqipërinë dhe Kosovën.

Çfarë na diferencon ne nga të tjerët?

Ne dhurojmë 10% të fitimëve të kompanisë për fëmijët në nevojë sidomos ato jetimë që jeta i ka mohuar gjënë më të shenjtë, familjen.

Ndaj dhe kujdesemi që ta transmetojmë këtë mesazh duke na bërë të kujdesshëm që çdo klient të jetë i kënaqur dhe të kontribojë përmes blerjeve edhe për njerëz që kanë nevojë për kujdes.

Përmes mijëra produkteve jemi ndër distributorët me të rëndësishëm të kancelarisë në Shqipëri dhe absolutisht nr 1 në tregun e pakicës.

Për 2 vite rradhazi kemi fituar çmimin rajonal për ofertat më të mira të analizës që ICCS i ka bërë tregut të këtij sektori.

Direkt nga fabrikat më të mëdha në botë tek klientet e thjeshtë duke ulur kostot dhe duke shmangur duart e tjera në të cilat sa herë kalon rritej çmimi.

Ne kemi ofertat më të mira në treg dhe produkte të çertifikuara për BE dhe me çertifikatë origjinaliteti.

Duke qenë pjesë e grupit HOLLAND Capital që prej 16 vitesh është prezent në Shqipëri me investime në sektorë të shumtë, SHOPPING TV, JAMBO.AL, MJESHTRI, MAX PROMOTION, BURSAL etj.

Ne jemi të hapur edhe për investime në kompani të ndryshme që kanë potenciale të mëdha zhvillimi.

Për më tepër ne kemi edhe Showroomin tonë kryesor në Tiranë tek Rruga “Rrapo Hekali”, Perballe qendres Eleonore, Kodra e Diellit, TIRANE.

Edhe pse gjatë vitit të fundit kompani të ndryshme janë prezantuar nën emrin tonë për të përfituar nga marketingu – i gjithë tregu, zyrat dhe rishitësit janë treguar të kujdesshem për të mos rënë pre e mashtrimeve. Zyra jonë ligjore ka ndjekur të gjithë rastet kur persona të tretë, kanë shitur pa u liçensuar nga ne, nën emrin INFINITI e cila është markë e regjistruar tek Drejtoria e Patentave dhe Markave si dhe tek Drejtoria e të Drejtave të Autorit.

Jemi të vetmit që kemi Rjetin më të Madh në Shqipëri të dyqaneve dhe ndër distributorët kryesor të kancelarisë në territorin shqiptar.

Ju faleminderit që prej vitesh na keni shëndrruar në kompaninë më të besueshme në këtë sektor.

Dr. Rrezart Lahi
Kontakt 069 54 82 582                                                                                  e-mail: rezartlahi@yahoo.com

INFINITI OFFICE – RRJETI MË I MADH I KANCELARIVE NË SHQIPËRI – Since 2003